iPhone 4, 輸！ 13 七月, 2010

我部iPhone 3G都２年喇，個wifi仲要喺啱啱過保養期之後死咗！有時交電話費都几金！我等呀等呀等呀等呀終於等到iPhone４出。但係佢又爆鑊勁！我唔係講foxconn單嘢喎，我諗而家都冇人會記得foxconn第十几跳㗎喇！就好似你記唔記得你上個月嘅８號lunch食乜？講起foxconn，我又記得我idol-DR. SINGSHIT，佢喺twitter講過，「一日富士康單嘢未搞清楚，係唔會買iPad住。」我聽到之後覺得人世間又充滿希望同喜悅！因為世界上仲有咁正義嘅人同事。但係我心頭嘅一陣暖就好似男人嘅高潮咁一閃即逝。因為，我見唔到佢有乜嘢行動去進一步表示對foxconn嘅不滿，例如「話」已經將佢部Macbook由２８樓掉咗落街，又或者「話」將佢部iPhone3GS掉咗入blender搞爛。講吓啫，唔洗負責任㗎喎。但係佢都係冇咁講過。我好失望。但係Dr. Singshit而家block咗我，我以後都睇唔到，感受唔到佢嗰種點到即止嘅正義感。我仲失望！

又叉咗去大西洋，講番iPhone先，點解會咁㗎！！！點解會爆鑊㗎？我真係想知道Apple上上下下咁多人，真係會冇人會見到嗰２條隙縫，真係會冇人想用手指搞吓佢？我打完呢個blog post之後我會send我個resume去apple，仲會將我嘅hobby用３６pt size置頂, bold再underline，我嘅hobby係：playing with cracks, like to poke them, stroke them, with my fingers and anything else. 我諗我一定會入到Apple做喇！！！我仲會順便講吓我嘅crisis management，點樣去應付佢地呢次嘅危机。 iPhone 4 fail，原因好簡單！咪又係改鬼壞咗個名囉。４４聲！ 我話：我會學４叔咁，冇８８層都叫頂樓８８樓。 做生意一定要講意頭！

Ladies and Gentlemen, introducing you…

仲唔發！

我寫我份resume喇！

「驚theory」 19 六月, 2010

我讀得書少，唔似一啲名blogger咁看書看多了知道世界怎樣運作，

我只係知道上twitter上多了，知道白痴個腦是怎樣運作的。

所以我唔識同你地講game theory,但係我有一次嘅經驗，歸納咗我自己嘅「驚theory」。

大家唔好以為我喺度串我之前嗰位英文唔係好掂嗰位同事，雖然佢句「will it 飛？」真係笑到我仆街。仲有membership同remember之類之類。我今次真係唔係串佢。

我嘅「驚theory」係一個我好驚嘅經驗，因為我差啲要輸到仆街。可能會死添！

話說有一日我個朋友打俾我叫我打麻雀。點知去到我就知驚了。因為我原來要同２個古惑仔打！！！一個係黑社會中嘅黑社會，另一個，挑！係聲大大喺球場恰𡃁仔嗰啲廢枈。

咁去到，打咗几舖，大概都知道乜嘢環境咁。

大古惑：雖然大把水但冇品，輸咗會反枱嗰隻，但係牌章唔錯。(仲有啲𡃁坐咗喺我背脊通水…好在啲𡃁白痴嘅)

細古惑：冇水冇品冇章法，一句講晒，正乞兒！好明顯佢啱啱學識打麻雀，因為佢淨係識做對對糊。

咁打咗８圈到，我同我個friend都輸囉，因為我地贏就口數，佢地贏就要我地科水。我開似怨我條命生得唔好。

但係問題嚟喇，未開過糊嘅細古惑hehehumhum咁碰呀碰呀碰呀，屎忽撞棍咁俾佢碰到１２章大四喜，但係大古惑嗰邊都好那緊湊，清一色對對糊又有１２章包自摸嗰隻，最慘嘅係呢２條人渣求其一個食得出，另一個一定反枱呀嘛，佢地甩呀甩呀甩呀甩呀，我就梗係一早棄糊抅牌。

最後，大古惑出沖俾我個friend食咗舖雞。呢啲咪識打牌囉！輸雞都唔輸自摸爆棚。

細古惑就bileebala仲嘈過世界啲Vuvuzela，話佢地出千打籠通乜乜柒柒。。。

我又開似怨我條命生得唔好，點解我會同佢地打牌呢？

仲要打几多圈呀？

ok，我嘅theory係乜？就係我玩Texas hold’em好過。因為到最後佢地會唔會認數呢？

可憐的巧文III 11 六月, 2010

正當你正式被起訴嘅時候，“對家“又好聰明咁喺發一條facebook message，就咁將你入木三分咁叫“差佬抆我，好痛！“嘅effort一嘢抺走。好慘好慘！

但係你真係唔怪得人地，人地真係sharp醒過你九條街喎！

個個都話搞社運，你有冇見過啲中堅社運超核爆新星好似馬草泥呀，星屑醫生呀去瞓馬路？同啲差佬搶鐵馬？有冇呀？

有！星屑醫生話佢會喺現埸，萬一有人受傷，佢會幫我地包紮咁喎，有冇假紙先？醒張假紙嚟呀，話晒都搞社運呀？！我見到佢喺無時無刻都要將醫生呢個金label貼喺自己塊面上，so proud of himself，我真係為佢老豆老母高興，你老母真係好威！

正當人地好天晒落雨淋喺街頭同啲差佬玩嘅時候，你地啲中堅社運超核爆新星馬草泥同周澄就係Pacific place表演！好！識揀個高級冷氣埸玩！

我明，冇so呀嘛，咁多差佬咁多人咁混亂啲記者真係影唔到啲乜，你地尊貴嘅出身尊貴嘅身份梗係要喺尊貴立法會議廳裡面表達（背誦？）你尊貴嘅甩甩cut cut意見。

蘋果成篇嘢有几多篇幅喺講風花雪月，有几多講社運呢？

唔好意思？唔好撚化我啦！

Martin Luther King, Jr.佢會講？ I have a dream that one day this nation will rise up and live out the true meaning of its creed: “We hold these truths to be self-evident, that all men are created equal. And I bought my pants from Givenchy"

哎呀！黃Ｘ民最威嗰陣成身Armani 佢都冇周圍晒啦，輸咗！

我睇到香港嘅將來，我移民吧啦！Xtina，我同你番菲律賓！

Justin Bieber? Yes! That’s how! 28 五月, 2010

Baby~ baby~ baby~ oh~

上面嗰個video裡面，呢條毛都未出齊但係又好似睪丸素過盛咁嘅咸蟲𡃁仔就係Justin Bieber(pronounced /ˈbiːbər/, BEE-bər; born March 1, 1994)，佢呢排都几hit㗎！但係點解呢？我Ｒ爛咗我個柒頭都唔明。諗呀諗呀，諗呀諗呀，我以為啲西人變晒戀童癖？但係聴明過聴明豆嘅我，終於俾我諗通咗佢上位嘅方程式。

大家有眼睇，佢好靚仔咩？ＯＫ啦（我有時靚啲囉）

唱歌好好聽咩？咪玩啦！上超級巨星佢一定俾陳潔玲剷到上天花板，再俾杜麗沙小到佢地七彩。

跳舞？oh my gosh~睇咗下面先同我拗！

乜都唔係好勁，咁點會咁hit喎，天真嘅我曾經咁問。

答案係：NORMAL DISTRIBUTION

（咁難明你地唔識㗎喇！）

看圖啦！

佢target嘅人就係紅色地區嘅人，即係IQ由７５﹣１００嘅人，佢地大概佔總人數嘅90%。佢地就係我地所講嘅正常人。乜係正常人呢？就係一啲膚淺簡單易明看圖識字嘅嘢就係佢地嘅飛佛喇。

就好似justin bieber，猛咁唱baby~baby~baby~oh, baby~baby~baby~oh~~~咁又得咗！試問仲有乜嘢歌詞可以膚淺簡單易明得過baby~baby~baby~oh, baby~baby~baby~oh~~~我諗佢連最左邊嗰５﹪都擸埋！

係喎，仲未講點解我無啦啦參透到呢？

是咁的，有一日我又見到我２個偶像呀！係充滿垃圾嘅垃圾會表演喎，好似好有heart咁，振振有詞，針針見血，一個係陳潔玲，一個係杜麗沙，剷到班官上天花板，小到佢地七彩。就算佢地嘅表演唔係真係咁好，但係呢啲用大事大非上位嘅技倆真係將Justin Bieber比下去！

乜嘢先係好有heart？吳美蘭！

再之前，又幫我地呢啲低下賤民爭取居屋！我地啲賤民一聽到有能力買樓喎！就好似聽到baby咁易入耳。試問我地喺呢啲唔係喺最右邊嗰５﹪嘅精英又點可以唔洗辛辛苦苦，死慳死抵几年，先儲到錢做首期？

如果佢地唔係咁想入垃圾會做議員，我諗佢地做歌星都得喎！(星屑醫生咁靚仔唔做偶像派真係嘥晒！）

大家一齊唱：居屋~居屋~居屋~oh~普選~普選~普選~oh~~~

PS:星屑醫生原來你個真名叫歐陽英𠎀醫生呀？原來你除咗覆姓之外，個名都有四個字呀？好cool呀！！！但以係如果我想尊稱你嘅話咪要叫你做歐陽英𠎀醫生醫生囉？好cool呀！！！

居者有其屋+PSP 7 五月, 2010

啱啱睇完上個禮拜嘅城市論壇，見到一個１７歲同一個２２歲嘅朋友話買唔起樓。

要求復建居屋同要有番首罝。２２歲嗰條粉餅仲話居屋先至係獅子山精神。真係？乜嘢先係獅子山精神？

等尹光話你知, 並唔係乜嘢最高工時，最低工資

真係天怒人怨呀！１７歲同２２歲買唔起樓喎！點先政府呢單嘢？佢地應份有層樓加部psp咁就啱數喇！

再睇吓２２歲身邊嗰條俾黃毓民上身馬草泥(4:44)：

（香港有人流離失所？馮儉基只係話喺冇資料之前唔好批評咋喎。仲有，我真係唔知邊個扇動？（乜乜好大個官威，乜乜上腦，我覺得浮誇表情好似做緊戲咁囉）

wiki 話：

任亮憲（馬草泥）的父親是香港親台政團「一二三民主聯盟」前立法局議員任善寧。 ^[3]任亮憲在拔萃男書院讀到中三後，到美國升學，伊利諾大學畢業後回到香港從事金融業，曾加入匯豐國際信託、蒙特婁獅子銀行、芝加哥國際銀行等。

哦！！！！

又係呢啲有錢人身痕想打救我地啲低下階層。唔怪得同另一條粉餅咁那夾啦！另一條粉餅咪就係話鬼佬同佢著crocs係型過所有中國人，仲有嘅就係電車係應該摺埋讓條路俾佢踩佢架靚單車嗰個星屑e生。

如果佢地入到立法會，做到議員咁就真係我地香港人嘅福氣！Can I suck your cocks by the time, I mean it!

講番居屋，咪囉！咪又係市價７成到？！！你估送俾你呀？！你諗吓你俾市價７成但係住喺啲公屋質素嘅樓，又冇clubhouse，又要同啲低下階低做鄰居，作為１７歲同２２歲嘅你你你你，點搞先？邊係人住㗎？我就覺得政府都做啲嘢喇！佢欠咗你㗎喎！你地係應份得到好好嘅生活質素喎！（記住要爭取Ｘ-box添喎!)　仲要５年唔俾賣喎，你買部iphone都會可能等錢洗放咗佢啦。居屋放嘅時候又要補地價。衰過租樓！仲有喎１７歲同２２歲嘅你你你你，政府係咪應該幫你地俾埋地租差餉管理費先？！！記得同馬草泥同星屑E生講，不過我諗佢地咁醒，一定會幫你地諗到。

哎呀！蝸居部落嗰個姐姐仔，市低嗰陣你又冇能力，市高又冇能力，我覺得你講得好啱！我都係喎！但係我都係怨自己冇馬草泥嘅父蔭。星屑e生高尚嘅職業。以為買唔起樓係應份嘅。原來我係唔應該儲几年錢再搵個低位去入市。我明喇你老味！

The world owes me a living?  no no no, the world owes me a GOOD living. That’s right!