點解蘋果批裡面冇cinnamon㗎？！！我告你！ 16 五月, 2010

adobe同apple呢兩間嘢日日喺度嘈，你又話佢唔開放平台，佢又話佢係PC年代嘅產物，大家又乜又七。乜啫！情況就好似公民黨社民連同政府林公公民建聯今日公投咁，你又話佢輸，佢又話佢冇輸，仲有贏添。我話，公社兩黨，特別係黃x民，就係你給我地嘅民主蒙上了污名，你都上個無記世界盃講波，都知道波係點賭㗎啦，你牙屎擦擦開盤譨人５球，家下１比０贏波，你就亞之亞咗摩洛哥，又話打壓，又話民主黨唔幫拖乜乜七七。民主女神余x薇又話，宜家有５０几萬人出咗嚟投票，曾蔭權就要面對呢個數字。啱！但係個問題係你地開盤譨人５球，家下１比０贏波咋。你會唔會同啲有背景嘅外圍佬話，喂１比０，贏波呀，賠！黃x民，背景人仕嘅家嘢，你清楚過過我地啦，咪玩啦。我覺得如果你冇份參加公投，可能會多啲人投票。你知，

香港人好多都係講道理㗎嘛，唔係大聲夾惡就啱㗎，我地知道邊個係Crab Ding㗎。

大家都知道公投係啱嘅事情，但係啱嘅事情落喺錯嘅人身上咪輸晒囉。Crab Ding都成日講「人善人欺天不欺」，呢句啱到我會俾１００分，但係由佢把口講，咪０分囉。

民主唔係輸打贏要。PK同契弟先會。

係呀！唔好走我地數呀，手都斬咗你呀！黃x民同余x薇！

又义咗去大西洋，我想講嘅係，我地係有自由意志嘅動物，好似adobe同apple呢單嘢咁，我地自己有得揀㗎，apple做咗隻唔行flash嘅iphone同ipad，我地作為消費者，如果flash真係咁緊要我地咪唔會買囉，我地唔會搵自己苯嘅，好似ipad咁，攞出街又太大，喺屋企用又太細，又冇flash睇唔到波，我咪唔買囉。

adobe你係咁醒嘅又不如整部smartphone或者tablet打apple？唔俾行safari囉。

有乜理由我買蘋果批，你去消委會告我個recipe冇cinnamon。你話蘋果批冇蘋果就告我啫。（波蘿飽真係冇波蘿㗎，屎忽鬼唔去告人？）

但係apple都係賤格！連人地整app都唔俾人用flash！都几惡，惡過黃x民！

大麻泥？Horse mud grass the pothead? 14 五月, 2010

大家記得邊個個係喂屎同關楚耀呀？嗰２個禁毒大使喺日本斸正衰咗藏毒嘅「禁毒大使」呢？佢地去咗邊？

咁亞嬌大家記得嗱掛？原來佢做過乜乜守身如玉大使，叫人地喺結婚前唔好搞嘢。每次我見到佢喺螢光幕出現都令我諗起仲

仲爍爍在目！

今日友人send咗條youtube片俾我係關於我偶像馬草泥　（１分５０秒）

佢講佢炒樓賺咗几多錢，佢話佢自己只係炒二三百萬細價樓，理直氣strong眼都唔斬（所以我欣賞佢！偶像！）咁講呀講呀講呀講呀，佢嘅意思係比起人地炒几千萬豪宅，佢唔算得係乜嘢。

我好迷咁睇吓睇吓覺得佢嗰個樣好鬼似食咗大麻咁，佢好似話草算乜毒品喎，我少少地玩吓之嘛，出面嗰啲take曲呀，4號呀嘅先至係道友，大家要搞清楚。道友只會喺深水埗呀，旺角好景信和出没。佢呢啲係社會嘅精英hippies，沙漠嘅綠洲，隊草只係佢精神上嘅需要，日理萬机嘅佢，係要減壓㗎。我見到佢咁講，我好開心，喺道笑，喺道笑，又諗起一啲搞笑片段。又係食神裡面亞史提芬周喺咁喝住山雞：「唔好打呀！唔好打呀！」但係自己就踩多２腳攞吓著數，哈哈哈~

增取居屋，公屋再分配，首罝，打擊毒品，大麻合法化，靠你喇！大麻泥！<3 ❤ ❤

但係我好迷呀仲！！！

不過，5 16都要投票喎。